25 март куни Нукус гарнизонида қуриб битказилган янги уйларнинг калитларини ҳарбий хизматчилар ва Қуролли Кучлар фахрийларига топширишга бағишланган тантанали маросим бўлиб ўтди. Бу ҳақда Мудофаа вазирлиги матбуот хизмати хабар берди.
Унда Шимоли-ғарбий ҳарбий округи қўшинлари қўмондони полковник Дилшод Чориев, Қорақалпоғистон Республикаси Вазирлар Кенгаши вакиллари ҳамда ҳарбий хизматчиларнинг оила аъзолари иштирок этди.
Нукус шаҳрида барпо этилган 30 хонадонга мўлжалланган кўп қаватли уйда ҳарбийлар ва уларнинг оила аъзолари учун барча зарур қулайликлар яратилган.
Эслатиб ўтамиз, 2018 йил режаси бўйича 74 та уй ипотека кредити асосида, 21 таси хизмат уйлари сифатида қурилиб, ҳарбий хизматчиларга тантанали равишда топширилмоқда.
Тадбир давомида Нукус шаҳар маданият ходимлари иштирокидаги концерт дастури ўтказилди.
Изоҳ (0)