26 март, сешанба куни футбол бўйича U-23 Осиё чемпионати саралаши доирасида Ўзбекистон олимпия терма жамоаси Тошкентдаги «Пахтакор» стадионида Тожикистон U-23 термасига қарши баҳс олиб борди.
Учрашув давомида дарвозалар дахлсизлиги сақланиб қолинди. Мазкур ўйиндаги дурангга қарамай Любинко Друлович шогирдлари мусобақага тўғридан-тўғри йўлланмасини қўлга киритди.
23 ёшгача бўлган футболчилар ўртасидаги Осиё чемпионати келаси йилнинг 8—26 январь кунлари Таиландда ўтказилиб, унда 16 терма жамоа иштирок этади. Таъкидлаш жоиз, унда кучли учликка кирган жамоалар Японияда бўлиб ўтадиган Олимпиадага йўлланмага эга бўлади. Агар японлар ярим финалгача етиб борса, бу босқичгача чиққан барча жамоалар ҳам Олимпиада иштирокчисига айланиши мумкин.
U-23 Осиё чемпионати
Саралаш баҳслари
«F» гуруҳи
26 март, сешанба
Ўзбекистон—Тожикистон 0:0
Ўзбекистон: Умиджон Эргашев, Исломжон Қобилов, Хожиакбар Алижонов, Абдулла Абдуллаев, Остон Ўрунов, Ислом Кенжабоев, Жасурбек Яхшибоев, Миржаҳон Мираҳмадов (Бобур Абдуҳолиқов, 55), Ойбек Рустамов, Илҳом Алижонов, Ҳусниддин Ғофуров.Тожикистон: Рустам Ятимов, Зоир Жўрабоев, Давлатмир Табризи, Манучехр Сафаров, Кароматулло Саидов, Муҳаммаджон Раҳимов (Шервони Мабацҳоев, 90), Шарафжон Солеҳов, Шериддин Бобоев, Алишер Баротов, Эҳсони Паншанбе, Далер Ёдгоров.
Огоҳлантиришлар: Манучехр Сафаров (5), Ойбек Рустамов (22), Муҳаммаджон Раҳимов (43), Кароматулло Саидов (80), Эҳсони Паншанбе (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)