Йўловчиларни Лондондан Германиянинг Дюссельдорф шаҳрига олиб бориши керак бўлган British Airways авиакомпаниясининг самолёти адашиб Шотландиянинг Эдинбург шаҳрига қўнди. Бу ҳақда Meduza хабар берди.
Парвозни British Airways билан лизинг шартномаси асосида бошқарган Германиянинг WDL компанияси амалга оширган. Ҳодисага Лондон аэропортида учувчи ва диспетчер хизматига нотўғри парвоз режасининг берилиши сабаб бўлган. Хатолик Шотландияга қўнгандан кейин маълум бўлган.
Самолёт икки соат Эдинбургда туриб, сўнг Дюссельдорфга учиб кетган. Самолёт бортида қанча йўловчилар бўлгани маълум қилинмаган.
Изоҳ (0)