Ҳиндистонлик тадбиркор Санни Варкеянинг ҳайрия жамғармаси бешинчи маротаба ўқитувчи касбига қўшган улкан ҳиссаси учун 1 миллион доллар пул мукофотини топширди, дея хабар беради «Sputnik».
Санни Варкея жамғармасининг мукофоти илк бор 2015 йилда топширилган.
Мукофот Бирлашган Араб Амирликлари вице-президенти ва бош вазири, Дубай ҳукумдори шайх Муҳаммад бин Рашид ал-Мактумнинг патронажлигида топширилади. Бу йил унга 179 мамлакатдан 10 мингта ариза келиб тушган.
2018 йилда мукофотни Буюк Британиянинг Бристол шаҳридаги ноқулай шароитдаги туманда жойлашган мактабнинг тасвирий санъат ва тўқимачилик иши бўйича ўқитувчиси Андриа Зафираку қўлга киритган.
Ҳиндистонлик тадбиркор Санни Варкей Ўрта Шарқдаги GEMS Education хусусий болалар боғча ва мактабларининг энг катта тармоғини ташкил этган.
Тақдирлаш маросими Дубайда бўлиб ўтган. Мусобақанинг финал босқичига Австралия, Аргентина, Бразилия, Буюк Британия, Грузия, Ҳиндистон, Кения, Нидерландия, АҚШ ва Япониядан келган ўн нафар номзод йўлланма олган.
Изоҳ (0)