22 март, жума куни футбол бўйича Европа Чемпионатининг саралаш босқичи доирасида гуруҳларда 1-турнинг навбатдаги баҳслари бўлиб ўтди.
Гарет Саутгейт қўл остидаги Англия терма жамоаси ўз майдонида Чехия термасини қабул қилди.
Учрашувнинг 24, 62 ва 68-дақиқаларида Раҳим Стерлинг рақиб дарвозасини ишғол қилиб, ҳет-трикка эришган бўлса, Ҳарри Кейн (45) ҳам ўз номига битта гол ёздириб қўйди (4:0). 84-дақиқада эса Чехия терма жамоаси аъзоси ўз давозасига гол уриб қўйди (5:0).
Шу тариқа Англия термаси ўз майдонида кечган баҳсда Чехияни йирик ҳисобда мағлубиятга учратди (5:0).
Мазкур мусобақанинг амалдаги чемпиони Криштиану Роналду етакчилигидаги Португалия термаси Украина терма жамоасига қарши майдонга тушди.
Беллашув дабомида дарвозалар дахлсизлиги сақланиб қолинди ва томонлар бир очкодан бўлишиб олди.
Шу куни Россия мезбонлик қилган Жаҳон Чемпионати—2018 мусобақаси ғолиби Франция терма жамоаси сафарда Молдова термасини синовдан ўтказди.
Баҳсда Антуан Гризманн (24), Рафаэль Варан (27), Оливье Жиру (36), Килиан Мбаппе (87) нинг киритган голларига мезбон жамоа Владимир Амброснинг 89-дақиқада киритган ягона голи билан жавоб қайтарди (4:1).
Шу тариқа французлар меҳмонда Молдова терма жамоасини 4:1 ҳисобида енгиб, дастлабки 3 очкони қўлга киритди.
Туркия терма жамоаси эса сафарда Албания билан баҳс олиб борди.
Учрашувнинг 21-дақиқасида Бурак Йилмаз ҳисобни очган бўлса, 55-дақиқага келиб, Ҳоқон Чолхонўғлу ҳисобни 2:0 кўринишига олиб келди ва жамоасининг ғалабасини мустаҳкамлади (2:0).
Евро—2020
Саралаш, 1-тур баҳслари
22 март, жума
«А» гуруҳи
Болгария—Черногория 1:1
Голлар: 0:1 — 50 Мугоса, 1:1 — 82 НеделевАнглия—Чехия 5:0
Голлар: 1:0 — 24 Стерлинг, 2:0 — 45 Кейн, 3:0 — 62 Стерлинг, 4:0 — 68 Стерлинг, 5:0 — 84, автогол, Калаш«B» гуруҳи
Люксембург—Литва 2:1
Голлар: 0:1 — 14 Сернич, 1:1 — 45 Баррейро, 2:1 — 55 РодригесПортугалия—Украина 0:0
«H» гуруҳиАлбания—Туркия 0:2
Голлар: 0:1 — 21 Йилмаз, 0:2 — 55 ЧолхонўғлуАндорра—Исландия 0:2
Голлар: 0:1 — 22 Бярнасон, 0:2 — 80 КяртанссонМолдова—Франция 1:4
Голлар: 0:1 — 24 Гризманн, 0:2 — 27 Варан, 0:3 — 36 Жиру, 0:4 — 87 Мбаппе, 1:4 — 89 АмбросЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)