Остона шаҳрини Нурсултон дея номлаш ҳақида фуқароларнинг фикри қандайлиги билан «Nur.kz» қизиқди.
Эслатиб ўтамиз, «Қозоғистон Республикаси Конституциясига ўзгартишлар киритиш тўғрисида»ги қонун лойиҳаси пойтахтнинг «Остонадан» «Нурсултон»га ўзгаришига қаратилган бўлиб, Мажлис депутатлари томонидан икки ўқишда тасдиқланган.
«Буни ижобий баҳолайман. Мен ватанпарварман, Қозоғистонда туғилиб, дунёга келганман ва шу ерда яшайман. Мен 36 ёшдаман. Менинг хотирамда, шаҳар Салиноград, Акмола, Остона деб номланган, нима учун Нурсултон бўлмасин? Бу президентга ҳурмат, унинг мамлакат олдидаги хизматларига бўлган ҳурмат. Мен қарши эмасман. Шаҳарнинг номи ўзгаргани билан моҳияти ўзгармайди», — дейди Роман.
14 ёшли Александр ҳам нейтрал позицияни билдирди.
«Мен туғилганимдан буён шу ерда яшайман. Шу ерда туғилганман, шаҳарни жуда яхши кўраман. Мен бунга бетараф муносабатдаман. Менимча, бизнинг раҳбаримиз жуда кўп ишларни амалга оширган. Шаҳар номини Нурсултонга ўзгартириш тўғри бўлади», — дейди ўсмир.
Аммо пойтахтнинг маҳаллий аҳолиси Айжаркин бунга қарши чиқди.
«Мен 31 ёшдаман, шаҳарнинг фуқароси эканман, Нурсултон деб номланишига қаршиман. Ҳамма мендан: «Қайси шаҳардансан?», деб сўраса, «Нурсултондан», деб жавоб қиламанми. Бу нотўғри-ку. Билмайман. Мен шаҳарнинг эски номини қолдиришни таклиф қиламан», — дея фикр билдирди аёл.
Собиқ бош вазирнинг фамилиядоши Адлет Сагинтаев номни ўзгартиришга қарши бўлганлардан.
«Мен бу ерда 2015 йилдан буён яшайман. Шаҳар номини ўзгартириш мантиққа зиддир. Чунки кўпгина халқаро ҳужжатларда Остона Қозоғистон пойтахти сифатида қайд этилган, Остона — бу бренддир.
Агар Нурсултонга ўзгартирилса, унда кўплаб ҳужжатлаштириш ишлари амалга оширилади, ўзгариш халқаро яхши таъсирга эга бўлмайди», — деди йигит.
Изоҳ (0)