Ostona shahrini Nursulton deya nomlash haqida fuqarolarning fikri qandayligi bilan “Nur.kz” qiziqdi.
Eslatib o‘tamiz, “Qozog‘iston Respublikasi Konstitutsiyasiga o‘zgartishlar kiritish to‘g‘risida”gi qonun loyihasi poytaxtning “Ostonadan” “Nursulton”ga o‘zgarishiga qaratilgan bo‘lib, Majlis deputatlari tomonidan ikki o‘qishda tasdiqlangan.
“Buni ijobiy baholayman. Men vatanparvarman, Qozog‘istonda tug‘ilib, dunyoga kelganman va shu yerda yashayman. Men 36 yoshdaman. Mening xotiramda, shahar Salinograd, Akmola, Ostona deb nomlangan, nima uchun Nursulton bo‘lmasin? Bu prezidentga hurmat, uning mamlakat oldidagi xizmatlariga bo‘lgan hurmat. Men qarshi emasman. Shaharning nomi o‘zgargani bilan mohiyati o‘zgarmaydi”, — deydi Roman.
14 yoshli Aleksandr ham neytral pozitsiyani bildirdi.
“Men tug‘ilganimdan buyon shu yerda yashayman. Shu yerda tug‘ilganman, shaharni juda yaxshi ko‘raman. Men bunga betaraf munosabatdaman. Menimcha, bizning rahbarimiz juda ko‘p ishlarni amalga oshirgan. Shahar nomini Nursultonga o‘zgartirish to‘g‘ri bo‘ladi”, — deydi o‘smir.
Ammo poytaxtning mahalliy aholisi Ayjarkin bunga qarshi chiqdi.
“Men 31 yoshdaman, shaharning fuqarosi ekanman, Nursulton deb nomlanishiga qarshiman. Hamma mendan: “Qaysi shahardansan?”, deb so‘rasa, “Nursultondan”, deb javob qilamanmi. Bu noto‘g‘ri-ku. Bilmayman. Men shaharning eski nomini qoldirishni taklif qilaman”, — deya fikr bildirdi ayol.
Sobiq bosh vazirning familiyadoshi Adlet Sagintayev nomni o‘zgartirishga qarshi bo‘lganlardan.
“Men bu yerda 2015-yildan buyon yashayman. Shahar nomini o‘zgartirish mantiqqa ziddir. Chunki ko‘pgina xalqaro hujjatlarda Ostona Qozog‘iston poytaxti sifatida qayd etilgan, Ostona — bu brenddir.
Agar Nursultonga o‘zgartirilsa, unda ko‘plab hujjatlashtirish ishlari amalga oshiriladi, o‘zgarish xalqaro yaxshi ta’sirga ega bo‘lmaydi”, — dedi yigit.
Izoh (0)