«Дарё» таҳририятига Сирдарё вилояти Ховос туманида яшовчи Гулжаҳон Тўраева мурожаат қилди. Унинг 4,5 ёшли қизи Руҳшона оққон касалига чалинган.
«2018 йилнинг сентябрь ойида қизим Руҳшонанинг иштаҳаси сустлашиб, ўзини ёмон ҳис қила бошлади. Туман шифохоналарига текширтирдик, қуввати кам деб витаминлар ёзиб беришди. Қизимнинг аҳволи яхшиланиш ўрнига ёмонлашиб борарди. Вилоятдаги барча шифохоналарга олиб бориб кўрсатдик. Шундай қилиб икки ой ўтиб кетди. Охири Республика Онкогематология шифохонасига олиб келдик. Оққон деган ташхис қўйилди. Кимёвий муолажалар бошланди. Қизим биринчи муолажани олиши билан аҳволи ёмонлашди, юролмай қолди. Қонидаги тромбоцитлар ҳам тушиб кетди, ҳафтада бир марта тромба олди. Тўхтовсиз қон ва плазмалар қуйилди, кечаю кундуз уколлар оларди. Қизим секин-аста оёққа турди. 65 кун бўлимда ётиб даволандик, шу кунгача бор кучимизни сарфлаб, ҳамма нарсамизни сотиб даволатдик. Оллоҳга шукур, ҳозир анча яхши, лекин қолган курсларини давом эттириш учун бизга яхши инсонлар кўмаги зарур», — дейди Гулжаҳон Тўраева.
Оилада Руҳшонадан ташқари яна бир фарзанд вояга етмоқда. Қизчанинг отаси кеча-ю кундуз ишлаб ҳам дори ва муолажаларга пул етказа олмаяпти.
Азизлар, қийин вазиятда қолган оилага қўлдан келгунча ёрдам берайлик!
Онасининг телефон рақами: +99 893 378 99 49
Пластик карта рақами: 8600 0424 2436 4973 (Онаси Гулжаҳон Тўраева номига очилган)
Изоҳ (0)