Эфиопияда ҳалокатга учраган Ethiopian Airlines авиакомпаниясига тегишли Boeing 737 MAX 8 самолёти қурбонлари яқинларига тупроқ берилди, деб хабар берди CNN.
Аддис-Абэба шаҳрига яқинларининг жасадини олишга келган фуқаролар ҳалокат содир бўлган ҳудуд тупроғи солинган қопчалар олган.
Тана қолдиқларини ДНК текшируви бўйича шахсни аниқлаш жараёни тугамагунга қадар олиб бўлмайди. Эфиопия транспорт вазири Дагмавит Могеснинг сўзларига кўра ушбу жараён олти ойгача давом этиши мумкин.
17 март куни франциялик экспертлар ҳалокатга учраган самолёт борти ўзиёзари маълумотларини расшифровка қилган ва ушбу ёзувни эшитмасдан, авария сабабларини ўрганаётган Эфиопиядаги гуруҳга тақдим этган.
Boeing 737 MAX 8 самолёти Эфиопияда 10 март куни ҳавога кўтарилганидан сўнг бир неча дақиқа ўтгач ҳалокатга учради. Самолёт бортида бўлган 157 кишининг барчаси ҳалок бўлди.
Изоҳ (0)