Евроиттифоқ Қрим ярим оролининг Россия таркибига киритилиши ҳақидаги референдум якунларини тан олмаслик сиёсатига содиқлигини яна бир бор тасдиқлади, деб ёзади «Газета.ru» Евроиттифоқ томонидан тарқатилган баёнотга таяниб.
Ҳужжатда таъкидланишича, тан олмаслик сиёсати, шу жумладан, Россияга нисбатан чеклов чораларини ҳам кўзда тутади. Евроиттифоқ, шунингдек, Қримнинг қўшиб олинишини Керчь бўғозида «кескинликнинг хавфли равишда ўсишига олиб келган» «халқаро хавфсизликка бевосита таҳдид» деб атамоқда.
Бундан ташқари, Евроиттифоқ БМТга аъзо мамлакатларни яна бир бор БМТ Хавфсизлик кенгаши Бош Ассамблеяси резолюциясига мувофиқ, худди шундай тан олмаслик чораларини кўриш масаласини кўриб чиқишга чақирди.
2014 йил мартида Қримда бўлиб ўтган референдум якунларига кўра, ярим орол Россиянинг ҳудудий қисмига, Севастополь эса федерал аҳамиятга эга шаҳарга айланган эди.
Изоҳ (0)