14 март куни соат 02:33 да Тошкентда кузатилган 4 баллик зилзила чоғида пойтахт халқаро аэропортига икки самолёт қўнишга ҳозирлик кўраётганди. Бу ҳақда «Новости Ташкентского Неба» хабар бермоқда.
Улардан биринчиси FlyDubai авиакомпаниясининг Дубай — Тошкент йўналишида парвоз қилган Boeing 737-8KN самолёти, иккинчиси эса Uzbekistan airways миллий авиакомпаниясининг Сеул — Тошкент йўналиши бўйича учаётган Boeing 787-8 Dreamliner самолёти бўлган.
Тошкент халқаро аэропорти диспетчерлари томонидан ҳар икки самолёт кутиш зонасига йўналтирилган. Бу чора аэропорт учиш-қўниш йўлаги самолётларнинг хавфсиз қўнишига тўсқинлик қилувчи шикаст ёки талафот етмаганига ишонч ҳосил қилиш учун қўлланилади.
Бир неча дақиқалик кутишдан сўнг икки ҳаво кемаси ҳам Тошкент аэропортига эсон-омон қўнди.
Изоҳ (0)