Калифорниянинг Фримонт шаҳридаги Kaiser Permanente Medical Center касалхонасида даволанаётган беморнинг ўлими ҳақида робот орқали маълум қилинди, деб ёзади Forum Daily.
78 ёшли Эрнест Кинтана ўлими ҳақида робот орқали билганидан кейин эртаси куни вафот этган.
Маълум бўлишича, Эрнест Кинтана бир неча йиллар давомида нафас олишни қийинлаштирувчи сурункали обстуркив ўпка касаллиги билан оғриган.
Унинг набираси Анналисия Уильхарм шифохонанинг бундай хатти-ҳаракатидан норози бўлиб CNN телеканалига мурожаат қилган.
Анналисия Уильхарм бобосининг ўлими ҳақида билганини, аммо хабарнинг бундай кўринишда тақдим этилганидан ғазабда эканини маълум қилган. Бир неча кун аввал шифокорлар беморнинг аҳволини аниқлаш мақсадида ташхис ўтказган. Шу куни Уильхарм онаси ва 58 ёшли бувисини бироз дам олиб келиш мақсадида уйга юборган.
Улар кетган вақтда хонага ҳамшира ҳамроҳлигида робот кириб келган. Ҳамшира индамаган, робот экранида эса шифокор пайдо бўлиб бўлиб, гапиришни бошлаган. Уилхармнинг таъкидлашича, у шифокорнинг кимлиги ва қаерда эканлигини билмаган.
Шифокор даволаш усуллари йўқлиги, беморнинг аҳволини енгиллаштиришнинг ягона йўли морфин бериш эканлиги, бироқ у нафас олишни қийинлаштиришини айтган. «У уйга қайтадими-йўқми бирор нарса дея олмайман, лекин айни пайтда энг яхши йўл морфин бериш», — деган экрандаги шифокор.
Бемор шифокорнинг гапларини яхши эшитмагани сабабли унинг невараси бобосининг ўлими ҳақида ўзи айтишга мажбур бўлган ва онаси билан бувисини касалхонага чақиртирган.
CNN томонидан юборилган баёнотда касалхона вакили беморнинг оила аъзоларига чуқур таъзия билдирган. Уларнинг айтишича, шифокорнинг видео ташрифи аввалги ташрифлар давоми бўлиб, дастлабки ташхисни қўйишда фойдаланилмаган.
«Агар оддий хабарни етказмоқчи бўлсангиз майли, лекин ўпканинг оғирлашгани, ўлимгача морфин қабул қилиш кераклигини айтиш керак бўлса, буни машина эмас, шифокорнинг шахсан ўзи айтиши керак», — деб жавоб берган Эрнест Кинтананинг рафиқаси.
Изоҳ (0)