Дунё радио станциялари афсонавий қўшиқчининг педофилия бўйича айбланаётган «Неверлендни тарк этиб» номли ҳужжатли фильми намойишидан сўнг Майкл Жексоннинг қўшиқларидан воз кечишни бошлади, дея хабар беради «Tengrinews».
Марҳум ижрочининг композициялари Буюк Британия, Австралия, Канада, Янги Зеландия ва бошқа мамлакатлардаги радио эфилардан олиб қўйилди. Радиокомпаниялар буни тингловчиларнинг тақдим этилган фильмга салбий реакцияси билан изоҳламоқда.
Бундан ташқари, фильм намойиш этилгандан сўнг, Simpsons мультсериали яратувчилари Майкл Жексоннинг эпизодлардан бирига овоз берган бир қисмини чиқариб ташлашга қарор қилган. Ушбу эпизод барча платформа ва манбалардан ўчирилади.
«Неверленд»ни тарк этиб номли тўрт соатлик ҳужжатли фильм март ойи бошида Американинг HBO телеканалида намойиш этилди. Лента Жеймс Сейфчак ва Уэйд Робсоннинг гувоҳликлари асосига қурилган. Улар Майкл Жексоннинг бир неча йиллар давомида уларнинг болалигида зўрлаганликлари даъво қилинган.
Уларнинг сўзларига кўра, бу қўшиқчининг Неверленддаги дала ҳовлисида содир бўлган. Фильмда намойиш этилган тафсилотлар оддий томошабинлар ва танқидчиларнинг ҳайратга солган. Фильмнинг режиссёри Дэн Рид «зўравонлик қурбонлари» ҳақидаги ҳикояларнинг тўғрилигига шубҳа қилмаслигини айтган.
«Daily Mirror»нинг ёзишича, агар режиссёр яна икки нафар прокурор бўлган Жордан Чендлер ва Гэвин Арвизо ўз баёнотларини очиқ баён этишга рози бўлса фильмни давом эттиришга тайёрлигини маълум қилган.
Изоҳ (0)