Февралда 4 та ўйинда 7 та гол урган Серхио Агуэро АПЛда ойнинг энг яхши ўйинчиси бўлди

Англия премьер лигасида февраль ойининг энг яхши ўйинчиси номига «Манчестер Сити» ҳужумчиси Серхио Агуэро лойиқ кўрилди. Бу ҳақда «манкунианлар»нинг Twitter’даги расмий саҳифасида хабар берилди.

Ўтган ойда 30 ёшли футболчи 4 та учрашувда майдонга тушиб, рақиб дарвозасини 7 марта ишғол қилди.

Аргентиналик «Арсенал» (3:1) ва «Челси»га қарши ўйинда ҳет-трикка эришди.

Аввалроқ «Сити» бош мураббийи Хосеп Гвардиоланинг февраль ойида энг яхши мураббий деб топилгани ҳақида хабар берилганди.

Агуэро бу номга эришишда қуйидаги номзод футболчиларни ортда қолдирди:

• • Эшли Барнс («Бёрнли») – 4 та ўйин, 2 та ғалаба, 1 та дуранг, 1 та мағлубият, 3 та гол, 1 та ассист
  • Шон Лонгстафф («Ньюкасл») – 4 та ўйин, 2 та ғалаба, 1 та дуранг, 1 та мағлубият, 1 та гол
  • Поль Погба («Манчестер Юнайтед») – 4 та ўйин, 3 та ғалаба, 1 та дуранг, 2 та гол, 2 та ассист
  • Люк Шоу («Манчестер Юнайтед») – 4 та ўйин, 3 та ғалаба, 1 та дуранг, 1 та ассист, 3 та қуруқ баҳс
  • Виржил ван Дейк («Ливерпуль») – 4 та ўйин, 2 та ғалаба, 2 та дуранг, 2 та гол, 3 та қуруқ баҳс
  • Уилфрид Заҳа («Кристал Пэлас») – 3 та ўйин, 1 та ғалаба, 1 та дуранг, 1 та мағлубият, 3 та гол