Fevralda 4 ta o‘yinda 7 ta gol urgan Serxio Aguero APLda oyning eng yaxshi o‘yinchisi bo‘ldi

Angliya premyer ligasida fevral oyining eng yaxshi o‘yinchisi nomiga “Manchester Siti” hujumchisi Serxio Aguero loyiq ko‘rildi. Bu haqda “mankunianlar”ning Twitter’dagi rasmiy sahifasida xabar berildi.

O‘tgan oyda 30 yoshli futbolchi 4 ta uchrashuvda maydonga tushib, raqib darvozasini 7 marta ishg‘ol qildi.

Argentinalik “Arsenal” (3:1) va “Chelsi”ga qarshi o‘yinda het-trikka erishdi.

Avvalroq “Siti” bosh murabbiyi Xosep Gvardiolaning fevral oyida eng yaxshi murabbiy deb topilgani haqida xabar berilgandi.

Aguero bu nomga erishishda quyidagi nomzod futbolchilarni ortda qoldirdi:

• • Eshli Barns (“Byornli”) – 4 ta o‘yin, 2 ta g‘alaba, 1 ta durang, 1 ta mag‘lubiyat, 3 ta gol, 1 ta assist
  • Shon Longstaff (“Nyukasl”) – 4 ta o‘yin, 2 ta g‘alaba, 1 ta durang, 1 ta mag‘lubiyat, 1 ta gol
  • Pol Pogba (“Manchester Yunayted”) – 4 ta o‘yin, 3 ta g‘alaba, 1 ta durang, 2 ta gol, 2 ta assist
  • Lyuk Shou (“Manchester Yunayted”) – 4 ta o‘yin, 3 ta g‘alaba, 1 ta durang, 1 ta assist, 3 ta quruq bahs
  • Virjil van Deyk (“Liverpul”) – 4 ta o‘yin, 2 ta g‘alaba, 2 ta durang, 2 ta gol, 3 ta quruq bahs
  • Uilfrid Zaha (“Kristal Pelas”) – 3 ta o‘yin, 1 ta g‘alaba, 1 ta durang, 1 ta mag‘lubiyat, 3 ta gol