6 март, чоршанба куни футбол бўйича Европа Чемпионлар Лигаси 1/8 финалининг навбатдаги 2 та жавоб учрашуви ўтказилди.
Мазкур босқичнинг марказий ўйинларидан бири Париж шаҳрида жойлашган «Парк де Пренс» стадионида бўлиб ўтди. Унда Томас Тухел бошқарувидаги ПСЖ клуби Оле-Гуннар Сульшер бошлиқ «Манчестер Юнайтед» жамоасига қарши майдонга тушди.
Учрашувнинг 2-дақиқасидаёқ Ромелу Лукаку ҳисобни очган бўлса, 12-дақиқага келиб Хуан Бернат Килиан Мбаппенинг узатмасини голга айлантирди ва ҳисобни тенглаштирди (1:1). 30-дақиқада эса Ромелу Лукаку «манкунианлар»ни ҳисобда олдинга олиб чиқди ва дублга эришди (2:1). 36-дақиқада ҳимоячи Эрик Байи Марко Верратти билан юз берган тўқнашувда жароҳат олди ва ўрнини Диого Далотга бўшатиб берди.
2-бўлимнинг 70-дақиқасида Юлиан Дракслер жароҳат олди ва унинг ўрнига майдонга Томас Мене майдонга тушди. Ўйиннинг сўнгги дақиқаларида (90+3) Дамир Скомина VAR тизими орқали Жанлуижи Буффон дарвозаси томон 11 метрлик жарима зарбаси белгилади ва ундан Маркус Рэшфорд унумли фойдаланиб, ўйинга нуқта қўйди.
Шу тариқа Оле-Гуннар Сульшер шогирдлари сафарда ПСЖни 3:1 ҳисобида мағлуб этди. Умумий ҳисоб дуранг билан якунланди, бироқ меҳмонда урилган голлар эвазига Англия клуби мусобақанинг 1/4 финали йўлланмасини қўлга киритди.
Шу куни Италиянинг «Рома» клуби эса сафарда Португалиянинг «Порту» жамоаси билан мусобақанинг чорак финал йўлланмаси учун кураш олиб борди.
Беллашувнинг 26-дақиқасида Соареш ҳисобни очган бўлса, орадан 11 дақиқа ўтиб Даниеле Де Росси пенальтидан гол уриб ҳисобни тенглаштирди (1:1). 52-дақиқада эса Португалия клуби ҳужумчиси Мусса Марега жамоасини олдинга олиб чиқди. Ўйиннинг асосий вақти 2:1 ҳисобида якунланди.
Дастлабки тўқнашувда римликлар портуликларни мазкур ҳисобда мағлуб этганликлари сабаб жамоалар қўшимча бўлимларда ҳам ўйнашга мажбур бўлди.
Қўшимча бўлимнинг 117-дақиқасида VAR тизими орқали «Рома» дарвозасига пеналтй белгиланди. Ундан Алекс Теллес дарвозани аниқ нишонга олди ва ўйинга нуқта қўйди (3:1).
Шу тариқа «Порту» клуби ўз майдонида «Рома» клубини 3:1 ҳисобида мағлубиятга учратди ва мусобақанинг чорак финал йўлланмасини қўлга киритди (умумий ҳисоб — 4:3).
ЕЧЛ
1/8 финал баҳслари
6 март, чоршанба
ПСЖ—«Манчестер Юнайтед» 1:3 (2:0)
Голлар: 0:1 — 2 Лукаку, 1:1 — 12 Бернат, 1:2 — 30 Лукаку, 1:3 — 90+4, пенальти, Рэшфорд«Порту»—«Рома» 3:1 (1:2)
Голлар: 1:0 — 26 Соареш, 1:1 — 37, пенальти, Де Росси, 2:1 — 52 Марега, 3:1 — 117, пенальти, ТеллесЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)