Бугун,

  • USD 11095.31
  • RUB 173.84
  • EUR 10772.44

Ташқи ишлар вазири Абдулазиз Комилов Эстониянинг Ўзбекистондаги Фавқулодда ва мухтор элчиси (қароргоҳи Рига шаҳрида) этиб тайинланган Арти Хилпусни қабул қилди. Бу ҳақда ТИВ матбуот хизмати маълум қилди.

Фото: ТИВ матбуот хизмати

Фото: ТИВ матбуот хизмати

Ишонч ёрлиқларини қабул қилар экан, вазир элчини ушбу тайинлов муносабати билан қутлади ва икки томонлама муносабатларни мустаҳкамлашга қаратилган фаолиятига самарадорлик ва муваффақиятлар тилади.

Суҳбат чоғида сиёсий, савдо-иқтисодий, инвестицион, маданий-гуманитар ва бошқа соҳалардаги ҳамкорликни янада ривожлантиришга қизиқиш билдирилди.

Музокараларда ўзаро ҳамкорликни ривожлантириш учун энг истиқболли йўналишларни аниқлаш имконини берувчи вазирликлараро сиёсий маслаҳатлашувларни мунтазам равишда ўтказишдан томонлар манфаатдорлиги тасдиқланди.

Элчи Арти Хилпус қатор вазирликлар ва идораларда ўтказилган учрашувлар натижалари ҳамда ушбу учрашувларда Ўзбекистон—Эстония муносабатларини мустаҳкамлашнинг амалий жиҳатларини кўриб чиқилганлиги тўғрисида маълумот берди.

Суҳбат якунида элчи мазкур лавозимга тайинланганини мамлакатлар ва халқлар ўртасидаги ҳамкорликни чуқурлаштиришга хизмат қилиш йўлида қабул қилганлигини билдирди ва бунинг учун ўзининг бор тажрибасидан фойдаланишини маълум қилди.

Изоҳ
Асосий янгиликлар
Дунё
Эрон олий раҳнамоси Европа давлатларида Қуръоннинг ёқиб юборилишига муносабат билдирди  
Молия
2022 йилда Ўзбекистонга пул ўтказмалари рекорд даражадаги 17 млрд долларга етди
Маҳаллий
Фотогалерея: Ўзбекистон ва Қирғизистон ўртасидаги тарихий алоқалар