Bugun,

  • USD 11095.31
  • RUB 173.84
  • EUR 10772.44

Tashqi ishlar vaziri Abdulaziz Komilov Estoniyaning O‘zbekistondagi Favqulodda va muxtor elchisi (qarorgohi Riga shahrida) etib tayinlangan Arti Xilpusni qabul qildi. Bu haqda TIV matbuot xizmati ma’lum qildi.

Foto: TIV matbuot xizmati

Foto: TIV matbuot xizmati

Ishonch yorliqlarini qabul qilar ekan, vazir elchini ushbu tayinlov munosabati bilan qutladi va ikki tomonlama munosabatlarni mustahkamlashga qaratilgan faoliyatiga samaradorlik va muvaffaqiyatlar tiladi.

Suhbat chog‘ida siyosiy, savdo-iqtisodiy, investitsion, madaniy-gumanitar va boshqa sohalardagi hamkorlikni yanada rivojlantirishga qiziqish bildirildi.

Muzokaralarda o‘zaro hamkorlikni rivojlantirish uchun eng istiqbolli yo‘nalishlarni aniqlash imkonini beruvchi vazirliklararo siyosiy maslahatlashuvlarni muntazam ravishda o‘tkazishdan tomonlar manfaatdorligi tasdiqlandi.

Elchi Arti Xilpus qator vazirliklar va idoralarda o‘tkazilgan uchrashuvlar natijalari hamda ushbu uchrashuvlarda O‘zbekiston—Estoniya munosabatlarini mustahkamlashning amaliy jihatlarini ko‘rib chiqilganligi to‘g‘risida ma’lumot berdi.

Suhbat yakunida elchi mazkur lavozimga tayinlanganini mamlakatlar va xalqlar o‘rtasidagi hamkorlikni chuqurlashtirishga xizmat qilish yo‘lida qabul qilganligini bildirdi va buning uchun o‘zining bor tajribasidan foydalanishini ma’lum qildi.

Izoh
Asosiy yangiliklar
Mahalliy
O‘zbekistonda birinchi avtomatlashtirilgan smart sanitar-gigiyenik shoxobcha ishga tushirildi (foto)
Mahalliy
O‘zbekistonda 31-mart kuni 32 darajagacha issiq bo‘ladi
Mahalliy
Samarqanddagi eski tovuq fabrikasida gaz portladi