Самарқанд шаҳрига ташриф буюрган сайёҳларнинг вақтларини мазмунли ўтказиш мақсадида Регистон майдонидаги 3D лазерли шоу эндиликда ҳар куни намойиш этилади. Бу ҳақда ЎзА хабар берди.
Самарқанд вилояти сайёҳлик салоҳиятини ошириш ва туризм инфратузилмасини янада ривожлантириш бўйича «Йўл харитаси«да Самарқанд вилоятида мунтазам равишда ўтказиладиган фестиваль, сайил ва бошқа тадбирлар белгиланган.
Жумладан, март, ноябрь ва декабрь ойларида «Улоқ-кўпкари» ўйинлари, 7 сентябрда «Кишмиш» фестивали ўтказилади.
Бундан ташқари, ҳар бир туманда ўтказиладиган сайиллар ва уларнинг аниқ саналари белгиланган.
Хусусан, 7 март куни Ургут туманида миллий таомлар сайли, 14 март куни Самарқанд туманидаги Нодирдевонбеги мадрасасида сумалак сайли, 15 мартда Тойлоқ туманида баҳор таомлари кўриги, 22 март куни Нуробод тумани Оқсой қишлоғида кураш беллашувлари ўтказиш режалаштирилган.
Изоҳ (0)