Бугун, 5 март куни Самарқанд шаҳридаги 64-махсус мактаб-интернат собиқ директори Шуҳрат Садинов ва бошқаларнинг апелляция суд мажлиси ўз ниҳоясига етди.
Ўтган йил июль ойида алоҳида сақлаш шароитлари, тарбия ва таълимга муҳтож ўғил болалар учун мўлжалланган 64-ихтисослашган мактаб тарбиячилари ва раҳбарлари тарбиячиларни калтаклаб келаётгани ҳақида мақола чоп этилганди. Шундан сўнг мактаб раҳбариятига нисбатан жиноят иши очилиб, улар қамоққа олинганди. 2018 йил декабрида Шуҳрат Садинов ва унинг ходимлари суд ҳукми билан бир неча йилга озодликдан маҳрум этилган эди.
Шуҳрат Садиновнинг ҳимоячиси суд ҳукми устидан апелляция берди. Шунингдек, суд жараёнида айрим ҳолатларга очиқдан-очиқ кўз юмилиш, адвокатлар томонидан асосли тарзда талаб этилган ҳолатлар эътиборга олинмаганидан шикоят қилиб, ушбу жиноят ишини атрофлича ўрганишини сўраб «Дарё»га мурожаат қилди.
Суднинг мазкур ҳукми бўйича берилган апелляция шикояти кенг жамоатчиликнинг, хусусан, журналистларнинг ҳам эътиборида бўлди. Хусусан, «Дарё» мухбири Фарҳод Норбўтаев, журналист-блогер Каримберди Тўрамурод, «Менинг Самарқандим» интернет онлайн телеканал раҳбари Хайрулло Мамасолиев суднинг ҳар бир жараёнида иштирок этишди.
Суд бўлиб ўтган воқеа тафсилотлари атрофлича ўрганиб чиқиб Шуҳрат Садинов ва бошқаларни суд залидан озод қилди.
Изоҳ (0)