Наманганда халқ депутатлари Чортоқ туман кенгашининг навбатдан ташқари сессияси бўлиб ўтди. Бу ҳақда «Дарё»га вилоят ҳокимлиги матбуот хизмати маълум қилди.
Сессияда ташкилий масала кўрилди. Анваржон Отахўжаев Чортоқ тумани ҳокими этиб тайинланди.
Анваржон Отахўжаев 1972 йилда Наманган шаҳрида туғилган. Маълумоти олий, Наманган муҳандислик-иқтисодиёт институти ҳамда Президент ҳузуридаги Давлат ва жамият қурилиши академиясини тамомлаган. Шу кунгача Олмалиқ кон-металлургия комбинати ишлаб чиқариш бошқармаси бошлиғи лавозимида ишлаб келаётганди.
Эслатиб ўтамиз, Президент Шавкат Мирзиёевнинг Наманганга ташрифи давомида Чортоқ тумани ҳокими Ойбек Ҳайдаров вазифасидан озод этилганди.
Изоҳ (0)