Ўзбекистон Ошпазлар уюшмаси Гастрономик туризмни оммалаштиришга қаратилган лойиҳаси доирасида мамлакатнинг энг кучли ошпазлари билан биргаликда Ошхона энциклопедиясини тайёрламоқда. Бу ҳақда ЎзА хабар берди.
Бу китоб Ўзбекистоннинг барча ҳудудларидаги турли таомлар рецептини ўз ичига олади. Китобга нафақат машҳур миллий таомларни тайёрлашнинг усуллари, балки кичик шаҳарлар ва ҳатто қишлоқлар учун хос бўлган таомларнинг таърифи ҳам киритилади.
Шунингдек, Тошкентнинг гастрономик харитасини тузиш устида иш олиб борилмоқда. Бу хаританинг асосий вазифаси гастрономик туризмни жадал ривожлантириш, ўзининг таомлари, хизмат кўрсатиш сифати, санитария ва гигиена ҳолатининг юқорилиги ва бошқа жиҳатлари билан пазандачилик санъатининг у ёки бу турларини намоён эта оладиган умумий овқатланиш масканларини аниқлаш, улардаги хизмат кўрсатиш ва сервис сифатини жаҳон стандартлари даражасига олиб чиқишдир.
Гастрономик харитани тузиш доирасида ҳар йили Тошкент пазандачилигининг ноёб хусусиятларини ўзида акс эттирадиган фестиваль ташкил этиш ва пойтахт аҳолиси, меҳмонларга намойиш қилиш режалаштирилган.
Изоҳ (0)