Самарқанд вилояти ИИБ транспортда жамоат хавфсизлигини таъминлаш бўлими Ўзбекистон Миллий гвардиясининг 82139-сонли ҳарбий қисми билан ҳамкорликда жамоат тартибини сақлаш бўйича рейд ўтказди.
Самарқанд вилояти ИИБ транспортда жамоат хавфсизлигини таъминлаш бўлими ахборот хизматининг «Дарё»га маълум қилишича, Миллий гвардиянинг отлиқ ва экипаж ходимлари транспортда жамоат хавфсизлигини таъминлаш бўлими ходимлари томонидан Пастдарғом, Нуробод, Пахтачи туманларидан ҳамда Самарқанд шаҳридан ўтган темир йўл излари атрофида профилактик тушунтириш ва огоҳлантирув тадбирлари олиб борилган.
Тадбир давомида НКМКга қарашли «Қорақўтон» тоғ конидан Зиёвуддин темир йўл бекатига вагонларда олиб келинаётган руда тошларни талон-тарож қилаётган шахсларни ушлаш, юк вагонларини ўз манзилларига етиб боришини таъминлаш борасидаги ишлар амалга оширилган.
Маълумот учун, 2019 йилнинг ўтган даври мобайнида Самарқанд вилояти ҳудудидан ўтувчи темир йўл излари атрофида жами 562 та маъмурий ҳуқуқбузарликлар аниқланган. Шундан 486 та ҳолатда темир йўл транспортида ҳаракат хавфсизлиги қоидаларини бузиш, 9 та ҳолатда товар ва моддий бойликларни талон-тарож қилиш ва 13 та ҳолатда транспортда спиртли ичимликлар ичиш ҳолатлари аниқланган.
Изоҳ (0)