Япониянинг Аичи санъат университети профессори Коджи Шибадзаки бошчилигидаги делегация Камолиддин Беҳзод номидаги Миллий рассомлик дизайн институтида бўлди. Бу ҳақда Олий ва ўрта махсус таълим вазирлиги маълум қилди.
Бундан кўзланган асосий мақсад қадимий ўзбек қоғози тарихи ва ишлаб чиқариш технологияси билан боғлиқ тадқиқотни амалга оширишдан иборат.
Профессор Коджи Шибадзаки Ўзбекистонда сақланаётган қадимий қоғозларнинг таркибини Япониянинг энг замонавий электрон микроскопларида ва бошқа илмий технологик асбоблар ёрдамида таҳлил қилиш, таркибини ўрганиш, унинг хитой қадимий қоғозларидан фарқли хусусиятлари ва тайёрлаш технологияларини тадқиқ этиш лойиҳасини таклиф этмоқда.