«Ўзбеккино» МА буюртмаси билан режиссёр Акром Шахназаров ҳамда продюссер Равшан Норбаев томонидан суратга олинаётган «101-рейс» фильмининг суратга олиш ишлари давом этмоқда.
Фильм продюссери Равшан Норбаев «101-рейс» фильмининг суратга олиш ишлари бир муддат тўхтаб тургани сабабига ойдинлик киритди. Бу ҳақда Равшан Норбаев журналист Феруз Муҳаммадга берган қисқа интервьюсида гапириб берди.
‘101-рейс’ фильмининг суратга олиш ишлари тўхтагани йўқ. Шунчаки фильмда стратегик объектларнинг кўплиги учун ташкилотлардан узоқ вақт рухсат кутишга тўғри келди. Фильмда табиийликка эътибор қаратганмиз. Мисол учун қурол-яроғлардан тортиб, вертолёт ва зирҳли машиналаргача табиий бўлишини бошидан режалаштирганмиз. Айни кунларда фильмнинг энг мураккаб эпизодларини суратга олишга тайёргарлик кўрмоқдамиз.Маълумот учун, «101-рейс» бадиий фильми реал воқеага асосланган бўлиб, унда 2001 йил АҚШнинг Нью-Йорк шаҳрида содир этилган террорчилик ҳаракати оқибатида Шимолий Америка ҳаво ҳудудида қийин вазиятда қолган – бортида 180 нафар йўловчи бўлган «Ўзбекистон ҳаво йўллари» авиакомпаниясига қарашли Boeing-757 самолётининг 101-рейс экипажи кўрсатган жасорат ҳақида ҳикоя қилинади.Равшан Норбаев, «101-рейс» фильми продюссери
Фильм постановкачи режиссёр — Акром Шахназаров, бош продюссер — Равшан Норбаев ҳамда Эркин Аъзам бадиий раҳбарлигида суратга олинмоқда.
Изоҳ (0)