21 — 23 февраль кунлари Бухоро ва Самарқандда зиёрат туризми бўйича биринчи халқаро форум бўлиб ўтади, унда ислом дунёсидаги муҳим халқаро ташкилотлар, ихтисослашган ташкилотлар, университетлар, дин уламолари, илмий-академик доиралар, зиёрат туризми соҳасидаги сайёҳлик компаниялари иштирок этади. Бу ҳақда ЎзА хабар берди.
Режалаштирилган тадбир ҳақидаги хабар жаҳон ҳамжамиятида кенг шов-шувга сабаб бўлди. Форумни ёритиш учун Европа ва Осиёнинг йирик телеканаллари – Euronews (Франция) ва «Al Jazira» (Қатар), «Al-Ahram al-Iqtisadi» (Миср) журнали ва Diplomatic News (Покистон), «Коммерсант» (Россия), «Ал-Важҳат» (Уммон) ва «Al-Hayat» (Саудия) газеталари вакиллари ташриф буюради.
Маълумот учун, Euronews – дунёда бўлаётган воқеа-ҳодисаларни саккиз тилда эфирга узатувчи, Европанинг 24 соат давомийликда фаолият олиб борадиган етакчи ахборот канали саналади.
1993 йилда асос солинган телеканал Европа нуқтаи назари бўйича долзарб бўлган дунё воқеаларини тезкорлик билан ёритиб боради. Кабел, сунъий йўлдош ҳамда эфирли узатиш орқали Euronews дунёнинг 130 мамлакатида 199 миллиондан ортиқ хонадонларни қамраб олади.
Изоҳ (0)