Қашқадарё вилоятига Кувайт давлатининг «Al-bader international development co.w.ll» кўп тармоқли халқаро компанияси делегацияси ташриф буюрди. Бу ҳақда «Дарё»га вилоят ҳокимлиги матбуот хизмати раҳбари Бекзод Маматқулов маълум қилмоқда.
Осиё, Яқин Шарқ ва Африка давлатларида меҳмонхона, уй-жой ва бошқа қурилишлар, тиббиёт комплекслари, замонавий информацион технологиялар ишлаб чиқариш, туризм каби соҳаларда фаолият юритувчи Кувайтнинг ушбу нуфузли компанияси вилоятни инвестициявий фаолияти учун мақбул ҳудуд сифатида танлаган.
Вилоят ҳокимлиги матбуот хизматининг қўшимча қилишича, делегация вакиллари вилоят ҳокимлигида кўплаб инвестицион лойиҳалар тақдимоти билан ҳам танишган.
«Учрашувдан сўнг вилоят ҳокими Зафар Рўзиев ва компания бош ижрочи директори Доктор Али Рамадон Маҳмуд келажакда вилоятда инвестицион лойиҳаларни амалиётга татбиқ этиш борасида икки томонлама музокаралар олиб борди», — дейилади вилоят ҳокимлиги матбуот хизмати хабарида.
Изоҳ (0)