Саудия Арабистони шаҳзодаси Муҳаммад бин Салмон Англия премьер лигаси клуби «Манчестер Юнайтед»ни сотиб олишни режалаштирмоқда, деб хабар беради The Sun.
Қироллик оиласи аъзоси «қизил иблислар» учун 3,8 миллиард фунт тўлаши мумкин. Шаҳзода бу борада янги мавсум бошига қадар келишувга эришиш ниятида. Агар томонлар келишувга эришадиган бўлса, «Манчестер Юнайтед»нинг ҳозирги эгалари америкалик тадбиркорлар Глейзерлар клуб сотувидан 2,2 миллиард фунт соф фойда олади.
Қайд этилишича, Глейзерлар ўзларининг клубини сотиш ниятида эмас. Бироқ улар Салмоннинг таклифига қизиқиш билдирмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)