Хитойда қизча пандалар бўлган қафасга тушиб кетиб тирик қолди, деб ёзади South China Morning Post.
Воқеа 9 февраль куни Сичуань провинциясининг Чэнду шаҳрида йирик пандаларни кўпайтириш тадқиқот маркази ((Chengdu Research Base of Giant Panda Breeding)да содир бўлган. Гувоҳлардан бири буни видеога олган.
Видеода икки метр баландликдан тушиб кетган қизчанинг йирик пандалар бор қафасда тургани акс этган. Қизнинг бақириб йиғлаши пандалардан бирининг эътиборини тортган ва у тажовузкорлик аломатларини кўрсатмай қизга яқинлашган.
Марказ ходими панжалар ортидан қизга узун таёқ туширади, аммо қиз қўрққанидан уни ушлаб тура олмайди. Иккинчи панда яқинлашишни бошлаганда марказ ходими панжарадан ўтиб қизга қўлини тутиб уни тортиб олади.
Изоҳ (0)