11 февраль куни АҚШ Мудофаа вазири вазифасини бажарувчи Патрик Шанахан эълон қилинмаган ташриф билан Афғонистонга келди, дея хабар беради «ЛигаНовости».
Афғонистонда у юқори мартабали ҳарбийлар ва афғон амалдорлари билан учрашади.
Пентагон раҳбари журналистларга Афғонистон раҳбарлари билан музокаралар чоғида Толибонлар билан тинчлик ўрнатиш зарурлигини алоҳида таъкидламоқчи эканини маълум қилган.
Бундан ташқари, Шанахан Оқ Уйдан Афғонистондаги АҚШ қўшинларини сонини ҳозирги 14 мингдан қисқартириш бўйича кўрсатма олмаганини қайд этган.
Афғонистон раҳбарларининг бир қисми Толибонлар билан тинчлик битимига қарши чиқмоқда, Толибонлар эса шу пайтгача ҳукумат билан Қобулда музокаралар олиб боришдан бош тортмоқда.
Аввалроқ, Дональд Трамп Қўшма Штатлар Афғонистондаги урушга ҳар йили 50 миллиард АҚШ доллар сарфлаганини айтган.
Изоҳ (0)