11 февраль куни Афғонистонда уч ярим йил давомида асирликда бўлган 2 нафар молдавиялик учувчи озод этилди. Бу ҳақда Молдавия президенти Игорь Додон душанба кунги брифингда маълум қилди деб ёзади «Интерфакс».
Унинг сўзларига кўра, бир неча ой давом этган операция муваффақиятли якунланган.
«Россия ҳукумати ёрдами билан бу муаммони ҳал қилишга эришдик. Шанба куни учувчилар озод қилинди ва айни пайтда улар Москвада. Улар касалхонада, лекин уларнинг аҳволи яхши. Тез кунларда ватанига қайтади », — дейди Игорь Додон.
Президент Россия ҳукуматига кўрсатилган ёрдам учун миннатдорчилик билдирган.
Маълумот учун, 2015 йилнинг 24 ноябрь куни Valan компаниясининг Мозори-Шариф — Кэмп-Шахин — Маймене йўналиши бўйича ҳаракатланаётган Ми-17 вертолёти Майменедан 25 километр шимолда қўнишга мажбур бўлган. Тўрт нафар фуқаро ҳалок бўлган, 17 нафари «Толибон» гуруҳи томонидан асирга олинган. Шундан сўнг «Толибон» тарафдорлари вертолётни ёқиб юборган.
Изоҳ (0)