Шимолий Корея ҳукумати «ўтган йилги табиий офатлар оқибатида етказилган зарар ўрнини қоплаш учун» 50 минг тонна буғдой ҳажмида гуманитар ёрдам кўрсатишни илтимос қилиб, Россияга мурожаат қилди. Бу ҳақда Россия федерация кенгашининг халқаро масалалар қўмитаси бошлиғи Константин Косачёвнинг сўзларига асосланиб, Meduza хабар берди.
Сенаторнинг айтишича, айни вақтда Россиянинг тегишли идоралари ушбу масалани кўриб чиқмоқда. Унинг таъкидлашича, Россия Шимолий Кореяга ёрдам беришни давом эттирмоқда.
Косачёв Шимолий Кореянинг Россиядаги элчиси билан учрашувда икки давлат ўртасида савдо алоқаларини ривожлантириш учун Шимолий Кореяга солинган санкциялар халақит қилишини таъкидлаб ўтган.
2017 йилда Россияда 135,4 миллион тонна ғалла, жумладан 86 миллион тонна буғдой ҳосили олинган. 2018 йилда буғдой ҳосили 70 миллион тоннага яқинни ташкил қилган.
Изоҳ (0)