2019 йил 1 июлга қадар Ўзбекистон ҳудудида рўйхатдан ўтган барча товар белгилари тўлиқ хатловдан ўтказилади. Бу Президентнинг «Интеллектуал мулк соҳасида давлат бошқарувини такомиллаштириш чора-тадбирлари тўғрисида»ги қарорида белгиланган.
Бундан кўзланган мақсад Ўзбекистонда ҳаммага маълум товар белгиларининг ноҳалол рўйхатдан ўтказилишини аниқлаш эканлиги билдирилмоқда.
Хатлов якунларига кўра қонун талаблари бузилган ҳолда берилган товар белгиларини рўйхатдан ўтказиш тўғрисидаги гувоҳномаларни бекор қилиш чоралари кўрилади.
Мазкур вазифа Адлия вазирлиги ва Бош прокуратура ҳузуридаги Иқтисодий жиноятларга қарши курашиш департаментига юклатилган.
Эслатиб ўтамиз, Президентнинг ушбу қарори билан Интеллектуал мулк агентлиги Адлия вазирлиги тизимига ўтказилди ва Адлия вазирлиги ҳузуридаги Интеллектуал мулк агентлиги этиб қайта номланди.
Изоҳ (0)