Буюк Британияда ит эгасини комадан чиқишига ёрдам берди ва бу билан даволовчи ит номини олди. Бу ҳақда Метро хабар берди.
2016 йил 65 ёшли Энди Сас Хемпшир графлигининг Саутгемптон шаҳри жонлантириш бўлимига тушган.
Эркак кимётерапиядан сўнг юзага келган пневмониянинг ўткир шаклидан азият чеккан ва шифокорлар уни сунъий комага туширган.
Касалликнинг оғир даври тугагач, шифокорлар эркак ётган палатага унинг итини киритишга рухсат берган.
Итнинг вовуллашини эшитган Сас шифокорлар мўлжаллаганидан уч кун олдин ҳушига келган.
Ҳайратланган шифокорлар Теддига мунтазам равишда ташриф буюришига рухсат берди.
Натижада, эркак бир ҳафта ичида оёққа турди.
«Тед ажойиб ит. У ақлли, мулойим, садоқатли, қувноқ ва ўзига хосдир. У мени бир қарашда мафтун қилган», — дейди эгаси.
2017 йилда итга Лондондаги Ҳайвонларни ҳимоя қилиш жамиятининг махсус мукофоти топширилди.
Изоҳ (0)