Афғонистон президенти Ашраф Ғани 10 февраль куни «Толибон» радикал ҳаракати аъзоларига Қобул, Нангарҳар ва Қандаҳор вилоятларида ваколатхоналар очишга тайёрлигини билдирди, дея хабар беради «ТАСС».
«Биз мамлакатда барқарор ва муносиб тинчлик таъминлаймиз», — дейди президент.
Ўтган ҳафта «Толибон» вакиллари сафар қилишни тақиқлаш каби Ғарбнинг санкцияларини бекор қилишни, маҳбусларни озод қилишни ва ҳаракатларга қарши «ташвиқотни» тўхтатишни ўз ичига олган қатор талаблар орасида расмий идора бўлиши муҳимлигини таъкидлаган.
Доҳадаги ваколатхона вакили Муҳаммад Суҳаил Шоҳин, баёнотида, «Толибон» халқаро ҳамжамият ҳамда БМТдан Қатардаги ваколатхонани тан олишни талаб қилган.
У Афғонистон президенти ўзининг сўнгги таклифи билан тинчликпарварлик ҳаракатига зарар етказишга уринаётганлигини қайд этган.
25 февраль куни Қатарда Толибон вакиллари ва АҚШнинг Афғонистон бўйича махсус вакили Залмай Ҳалилзод ўртасида навбатдаги маслаҳатлашувлар ўтказилиши режалаштирилган.
Изоҳ (0)