Ўтган йили Стокгольм ғарбидаги черковдан дафн этилганлар учун ишлатиладиган, вафот этганнинг ижтимоий мавқейини рамзий маъносини ифодаловчи тобутнинг ичида ва устида ётадиган рамзий анжомлар ўғирланган, дея хабар беради «Forum Daily».
Полиция маълумотларига кўра, Карл IX нинг тожи ва қудратининг рамзий белгиси ҳамда унинг хотини Кристинанинг гулчамбари ғойиб бўлган.
Полиция қиймати чамаси 65 миллион крон (7 миллион АҚШ доллардан ортиқ) бўлган заргарлик буюмларини чиқинди қутисидан топган.
Уларнинг ҳақиқийлиги экспертиза ёрдамида текширилади.
Ушбу топилма мазкур экспонатларни ўғирлашда айбланаётган 22 ёшли швед фуқароси устидан олиб борилаётган суд жараёнини тўхтатган.
У 2018 йилнинг сентябрида ҳибсга олинган эди.
Швеция қироллигининг аксарият қимматбаҳо буюмлари Стокгольмдаги қалъада сақланади, аммо баъзи дафн маросимлари анжомлари Странгнас, Упсала ва Вастерас соборларида ҳам мавжуд.
Карл IX энг машҳур швед монархларидан бири Густав Васанинг ўғли бўлган. 1611 йилда унинг вафотидан сўнг, у Странгнесс соборида дафн қилинган. Шоҳнинг хотини Кристина 14 йил ўтиб вафот этган.
Изоҳ (0)