Американинг Миллий Атроф-муҳит тўғрисидаги маълумот Институти олимлари Ернинг шимолий магнит қутби йилига 55 километр тезликда ҳаракат қилаётганлигини аниқлади, дея хабар беради «РБК».
У Канаданинг шимолий ҳудудларидан Сибир томонга ҳаракатланмоқда.
Одатда, олимлар Ер магнит майдонидаги ўзгаришларни ҳар беш йилда бир марта эълон қилади.
Бу ҳақидаги хабар йил охирида чоп этилиши керак эди.
Бироқ, Арктикадаги жиддий ўзгаришлар улар ҳақида мажбурий равишда олдиндан хабар қилишга олиб келди.
Guardian нашри 2000 йилда кўчиш тезлиги йилига қарийб 15 километр бўлганлигини кўрсатади. 18 йил мобайнида у уч мартага ошган.
Бу сайёра ядросининг ташқи суюқлик қобиғидаги фаоллиги туфайли содир бўлган. Шунингдек, бу ҳолат қисман иқлим ўзгариши билан боғлиқ бўлиши мумкин.
Ер магнит майдонининг жойини ўзгартириши навигация воситаларини созлаш, ҳарбий ва фуқаролик самолёт ва кемалар хавфсизлигини таъминлаш учун муҳим аҳамиятга эга.
Смартфонлар ва GPS-навигаторлар бўйича иловалар ҳам созлашни талаб қилади. Бунинг устига бу фақат Шимолий Муз океанига яқин жойларга тегишли эмас.
Олимлар Ернинг жанубий магнит қутблари ҳам жойини ўзгартираётганини таъкидлади, лекин унинг ҳаракат тезлиги анча паст.
Изоҳ (0)