Бразилия жануби-шарқидаги металлургия саноати чиқиндилари оқизиладиган дамба ўпирилиши қурбонлари сони 142 кишига етди. Бу ҳақда «ТАСС» хабар берди.
122 нафар қурбонларнинг шахси аниқланган. Бедарак йўқолганлар сони 194 кишини ташкил этмоқда.
Дастлабки маълумотларга кўра, фавқулодда вазият оқибатида кўплаб одамлар ҳалок бўлиши, дамба ўпирилиши вақтида огоҳлантириш тизими ишламай қолганлиги билан изоҳланган.
31 январь куни президент Вале Фабиу Шварцманнинг маълум қилишича, лойқа сув оқими шундай тезлик билан тарқалганки, бир неча дақиқада ушбу қурилмани ишдан чиқарган.
Эслатиб ўтамиз, металлургия саноати чиқиндиларидан иборат сувни ушлаб турган тўғон Брумадиню муниципалитетида 25 январь куни ёрилган. Яқин атрофда жойлашган уйлардаги аҳоли эвакуация қилинган, бир неча уйлар чиқинди сув оқими оқибатида вайрон бўлган.
Мавзуга доир: Бразилияда дамба ўпирилиши оқибатида 50 киши ҳалок бўлди
Мавзуга доир: Бразилияда дамба ўпирилиши видеоси пайдо бўлди (видео)
Изоҳ (0)