“Барселона” ҳужумчиси Рафинья Диас “Олтин тўп — 2025” мукофоти учун номзодлар рўйхатига киритилгач, бу борадаги фикрлари билан ўртоқлашди. Бу ҳақда Sport.es нашри хабар берди.
Бразилиялик футболчининг таъкидлашича, соврин учун даъвогарлар сафида бўлишнинг ўзи катта ютуқ ҳисобланади:
Фаолиятим давомида бошимдан ўтган барча синовларни ҳисобга оладиган бўлсак, рўйхатда бўлиш мен учун улкан ғалаба. Бу ҳаётимдаги энг муҳим ютуқлардан бири ҳисобланади. Мақсадим — кечагидан ҳам, ўтган мавсумдагидан ҳам яхшироқ бўлиш. Бунинг учун бор кучимни сарфлайман, — дея Рафиньянинг сўзларини келтиради Sport.es.
“Олтин тўп – 2025” мукофоти учун курашаётганлар рўйхатига “Барселона”нинг тўрт нафар футболчиси — Ламин Ямал, Педри Гонсалес, Рафинья Диас ва Роберт Левандовски киритилган. Соврин учун асосий даъвогар сифатида эса “ПСЖ” ҳужумчиси Усмон Дембеле тилга олинмоқда. У ўтган мавсумда Франция чемпионлиги, кубоги ва Суперкубогини ютибгина қолмай, УЕФА Чемпионлар Лигаси ғолибига ҳам айланган эди.
- Ўтган мавсумда Рафинья барча мусобақалар доирасида 57 та ўйинда иштирок этиб, ўз ҳисобига 34 та гол ва 25 та голли ёздириб қўйди.
- Унинг “Барселона” билан шартномаси 2028 йил ёзигача амал қилади.
- Transfermarkt портали футболчининг бозор қийматини 90 миллион евро деб баҳолаган.
Изоҳ (0)