Латвиянинг Рига шаҳрида бошланган «Balttour—2019» халқаро туризм кўргазмасида Самарқанд вилоятидаги бир қатор сайёҳлик фирма ва компаниялари иштирок этмоқда. Бу ҳақда вилоят туризмни ривожлантириш департаменти матбуот хизмати маълум қилди.
Ўзбекистоннинг Латвиядаги элчихонаси билан яқин ҳамкорлик туфайли вилоят сайёҳлик соҳаси вакиллари ушбу тадбирда иштирок этиш имкониятига эга бўлди.
Кўргазманинг илк кунидаёқ юзлаб иштирокчилар Самарқанд бренди билан қизиқиб, Ўзбекистонга келиш, тарихий обидаларни зиёрат қилиш ниятида эканлигини маълум қилди.
3 февралгача давом этадиган кўргазмада дунёнинг 41 мамлакатидан 885 та туристик компания иштирок этмоқда.