Самарқандда Темурбеклар мактаби ҳамда коллеж ўқувчилари учун Нуробод туманида жойлашган ҳарбий қисмлардан бирида кўргазмали амалий машғулот ташкил этилди. Бу ҳақда «Дарё» мухбири Фарҳод Норбўтаев хабар бермоқда.
Ҳарбий қисм дала-ўқув майдонида тадбир иштирокчиларига нишонларга ўқ отиш, ҳудудни ўрганиш, қулай позиция танлаш, амалий тарзда қўйилган жанговар вазифани бажариш каби машқлар намойиш этилди. Ёшларга жанговар қурол-яроғ ва ҳарбий техникалар имкониятидан, замонавий ахборот технологиялари ва алоқа воситаларидан унумли фойдаланиш юзасидан зарур тушунчалар берилди.
Кўргазмали амалий машғулот давомида ҳарбий хизматчилар томонидан ўқувчи ёшларга қурол-яроғларни қўллаш тартиби, унинг имкониятлари ҳақида тўлиқ маълумотлар берилди. Шунингдек тадбирда ҳарбий хизматчилар томонидан жанговар тайёргарлик машғулотлари намойиш этилди.
Изоҳ (0)