Хорижга кетган Ўзбекистон фуқаролари сони икки бараварга ортди

Охирги икки йилда чет элга борувчи  Ўзбекистон фуқароларининг сони сезиларли даражада ортди. Бу ҳақда Spot хабар берди.

Масалан, 2017 йилда бу кўрсаткич 6,8 миллион кишини ташкил этган бўлса, 2018 йилда эса 13,8 миллион кишини ташкил этди. Худди шундай чет элдан ташриф буюрувчилар ҳам икки баробарга ортган.

МДҲ давлатларига кетган Ўзбекистон фуқаролари 13308,0 минг кишини ташкил этган бўлиб, бу жами ташриф буюрганларнинг 96,2 фоизини ташкил этади, узоқ хорижий давлатларга эса 530,6 минг киши (ёки 3,8%) ташриф буюрган.

Чет элга кетган фуқароларнинг асосий қисми МДҲ давлатларидан Қозоғистонга 51,6% (7139,8 минг киши), Қирғизистонга 23,1% (3196,8 минг киши) ва Россияга 8,5% (1178,7 минг киши) ташриф буюрган. Узоқ хорижий давлатлардан эса Жанубий Кореяга (79,7 минг киши), Хитой, АҚШ, Германияга ташриф буюрган.

Фуқароларнинг асосий сафар мақсади қариндошларни бориб кўриш — 57,6%, сайёҳлик мақсадида — 2,9%, ўқиш мақсадида — 0,8%, даволаниш, хизмат юзасидан — 0,4 фоизни ташкил этади.