Uzbekistan Airways 2019 йилда Тбилиси, Мюнхен ва Карачи йўналишларида парвозларни йўлга қўяди, деб хабар қилмоқда Sputnik компания матбуот хизматига таяниб.
Эслатиб ўтамиз, ўтган уч ой ичида авиакомпания Мумбай, Владивосток ва Жиддага парвозларни йўлга қўйган эди.
Ундан ташқари Москва йўналишида парвозлар сони ҳафтасига 27 тага етказилди ва Самарқанд, Бухоро, Урганч, Термиз, Наманган ва Фарғона шаҳарларини Москва билан боғлаб турган парвозлар умумий сони 49 тага етди.
Шунингдек, Сеул, Душанбе, Бишкек, Минск, Ростов-Дон, Остона ва Новосибирск шаҳарларига ҳам парвозлар сони оширилди. Истанбулга парвозлар сони Тошкентдан 10 тага, Самарқанддан 2 тага етказилди.
Ундан ташқари ўтган йил давомида Ўзбекистон ҳаво йўллари 21 мингта парвозлар амалга ошириб, 3 миллион йўловчиларга хизмат кўрсатди.
Изоҳ (0)