2018 йил 29 октябрь куни номаълум шахс Тошкент вилоятининг Зангиота туманида яшовчи С.С.нинг уйига очиқ қолган эшиги орқали кириб, уйи дарвозахонасида турган Cobalt русумли автомашинасини ҳайдаб қочган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.
Сўнг автомашинанини Тошкент шаҳар Сергели тумани Ўзгариш маҳалласида бошқариб кетаётиб Matiz русумли автомашина билан тўқнашув содир этиб, ўзи у ердан қочиб кетган.
Ҳолат юзасидан жиноят иши қўзғатилган эди. Кўрилган чоралар натижасида ушбу жиноятни Қашқадарё вилояти Деҳқонобод тумани Қизилсой қишлоғида яшовчи Ж.Б. содир этганлиги аниқланиб, ушланди. Тергов давом этмоқда.
Изоҳ (0)