Ўзбекистон коррупциялар рейтингида яна бир поғона пастлади

Коррупцияга қарши курашиш бўйича нодавлат халқаро Transparency International ташкилоти 2018 йил якунлари бўйича ҳисоботни тақдим этди, деб хабар беради Spot.

Ўзбекистон 180 мамлакатдан иборат рўйхатнинг 158 ўрнини эгаллади. 2017 йили 157 чи, 2016 йилда эса 156-ўринни эгаллаган эди.

Биринчи ўринни Дания, иккинчини Янди Зеландия эгаллади. Учинчи ўринда Финландия, Сингапур, Швеция ва Швейцария жойлашди.

Охирги учталикдан Сомали, Жанубий Судан ва Сурия жой олди.

Марказий Осиё бўйича энг яҳши кўрсаткичга 124 ўринда жойлашган Қозоғистон эга бўлди, энг ёмони эса Туркманистонда — 161-ўрин.

Transparency International — коррупцияга қарши кураш ва бутун дунёдаги коррупция даражасини ўрганиш бўйича нодавлат халқаро ташкилотдир. Халқаро ҳаракат 1993 йилда Жаҳон банкининг собиқ директори Петер Эиген томонидан Берлинда ташкил этилган. Ҳозирги кунда ташкилот дунёнинг 100 дан ортиқ мамлакатида ўз бўлимларига эга.