Хитойнинг Шанхай шаҳрида Xinjiang Asia — Europe International Material Trade Center компанияси негизида Ўзбекистон товар хомашё биржаси савдо майдончаси очилди. Бу ҳақда биржа матбуот хизмати хабар бермоқда.
Янги савдо майдончаси Миллий кўргазма марказида жойлашган бўлиб, унда Хитойнинг илк ЭКСПО кўргазмаси бўлиб ўтди. Қайд этиш жоизки, ЎзРTХБ Куйтун ва Урумчи шаҳарларида ҳам қўшимча савдо офисларига эга.
Хитойда жойлашган биржанинг савдо майдончаларида биржа ва аукцион савдолари орқали экспорт-импорт операциялари амалга оширилишидан ташқари консалтинг хизматлари ҳам кўрсатилади.
Ҳозирги пайтда ЎзРTХБ янги савдо нуқталари орқали сотиладиган товар позицияларнинг рўйхатини тузиш бўйича ишлар давом эттирилмоқда. Хитойга экспорт қилинадган маҳаллий маҳсулотларнинг дастлабки рўйхатига энергия манбалари ва нефть маҳсулотлари, полиэтилен, кимё маҳсулотлари, пахта толаси ва момиғи каби биржа товарлари киритилган.
Изоҳ (0)