26 январь, шанба куни Испания Ла Лигасининг 21-тур баҳсларига старт берилди.
Турни «Севилья»—«Леванте» ўйини очиб берди. Унда Пабло Мачин шогирдлари йирик ҳисобдаги ғалабани қўлга киритди (5:0).
Барча голлар учрашувнинг 2-бўлимида киритилди. 48-дақиқада Виссам Бен-Йеддер ҳисобни очган бўлса, 60-дақиқага келиб Андре Силва Куинси Промес узатмасини голга айлантирди (2:0).
Орадан 11 дақиқа ўтиб Франко Васкес орадаги фарқни 3:0 кўринишига келтирди. 80-дақиқада ҳакам томонидан «Леванте» дарвозасига пенлати белгиланди ва Алейкс Видаль ўрнига захирадан майдонга тушган Пабло Сарабия 11 метрлик жарима зарбасидан рақиб дарвозасини аниқ нишонга олди ва ҳисобни йириклаштирди (4:0). Сўнгги гол 90-дақиқада киритилди. Унга Куинси Промес муаллифлик қилди.
Шу куни Диего Симёне қўл остидаги «Атлетико Мадрид» клуби ўз уйида «Хетафе»ни қабул қилди ва 2:0 кўринишида ғалаба қозонди.
Учрашувнинг 27-дақиқасида Мадрид клуби ҳужумчиси Антуан Гризманн ҳисобни очган бўлса, 38-дақиқага келиб Саул рақиб дарвозасини ишғол қилди (2:0).
Шу тариқа «Атлетико» муҳим 3 очкони қўлга киритди.
27 январь, якшанба куни мусобақа жадвалини бошқариб бораётган «Барселона» жамоаси «Жирона» майдонига сафар қилади. Ўйин соат 20:15 да старт олади.
Шу куни Сантьяго Солари бошқарувидаги «Реал Мадрид» клуби «Эспаньол» меҳмони бўлади. Тўқнашувга тунги вақт билан 00:45 да старт берилади.
Ла Лига
21-тур баҳслари
26 январь, шанба
«Севилья»—«Леванте» 5:0
Голлар: 1:0 — 48 Бен-Йеддер, 2:0 — 60 Силва, 3:0 — 71 Васкес, 4:0 — 80, пенальти, Сарабия, 5:0 — 90 Промес.«Атлетико Мадрид»—«Хетафе» 2:0
Голлар: 1:0 — 27 Гризманн, 2:0 — 38 Саул.«Леганес»—«Эйбар» 2:2
Голлар: 0:1 — 29 Кике, 0:2 — 36 Жордан, 1:2 — 46 Ан-Носирий, 2:2 — 67 Ан-Носирий.«Валенсия»—«Вильярреал» 3:0
Голлар: 1:0 — 4 Диахаби, 2:0 — 51 Черишев, 3:0 — 86 Родриго.27 январь, якшанба
«Вальядолид»—«Сельта» 16:00
«Жирона»—«Барселона» 20:15
«Реал Сосьедад»—«Уэска» 22:30
«Атлетик Бильбао»—«Бетис» 22:30
«Эспаньол»—«Реал Мадрид» 00:45
28 январь, душанба«Алавес»—«Райо Вальекано» 01:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)