26-yanvar, shanba kuni Ispaniya La Ligasining 21-tur bahslariga start berildi.
Turni “Sevilya”—“Levante” o‘yini ochib berdi. Unda Pablo Machin shogirdlari yirik hisobdagi g‘alabani qo‘lga kiritdi (5:0).
Barcha gollar uchrashuvning 2-bo‘limida kiritildi. 48-daqiqada Vissam Ben-Yedder hisobni ochgan bo‘lsa, 60-daqiqaga kelib Andre Silva Kuinsi Promes uzatmasini golga aylantirdi (2:0).
Oradan 11 daqiqa o‘tib Franko Vaskes oradagi farqni 3:0 ko‘rinishiga keltirdi. 80-daqiqada hakam tomonidan “Levante” darvozasiga penlati belgilandi va Aleyks Vidal o‘rniga zaxiradan maydonga tushgan Pablo Sarabiya 11 metrlik jarima zarbasidan raqib darvozasini aniq nishonga oldi va hisobni yiriklashtirdi (4:0). So‘nggi gol 90-daqiqada kiritildi. Unga Kuinsi Promes mualliflik qildi.
Shu kuni Diyego Simyone qo‘l ostidagi “Atletiko Madrid” klubi o‘z uyida “Xetafe”ni qabul qildi va 2:0 ko‘rinishida g‘alaba qozondi.
Uchrashuvning 27-daqiqasida Madrid klubi hujumchisi Antuan Grizmann hisobni ochgan bo‘lsa, 38-daqiqaga kelib Saul raqib darvozasini ishg‘ol qildi (2:0).
Shu tariqa “Atletiko” muhim 3 ochkoni qo‘lga kiritdi.
27-yanvar, yakshanba kuni musobaqa jadvalini boshqarib borayotgan “Barselona” jamoasi “Jirona” maydoniga safar qiladi. O‘yin soat 20:15 da start oladi.
Shu kuni Santyago Solari boshqaruvidagi “Real Madrid” klubi “Espanyol” mehmoni bo‘ladi. To‘qnashuvga tungi vaqt bilan 00:45 da start beriladi.
La Liga
21-tur bahslari
26-yanvar, shanba
“Sevilya”—“Levante” 5:0
Gollar: 1:0 — 48 Ben-Yedder, 2:0 — 60 Silva, 3:0 — 71 Vaskes, 4:0 — 80, penalti, Sarabiya, 5:0 — 90 Promes.“Atletiko Madrid”—“Xetafe” 2:0
Gollar: 1:0 — 27 Grizmann, 2:0 — 38 Saul.“Leganes”—“Eybar” 2:2
Gollar: 0:1 — 29 Kike, 0:2 — 36 Jordan, 1:2 — 46 An-Nosiriy, 2:2 — 67 An-Nosiriy.“Valensiya”—“Vilyarreal” 3:0
Gollar: 1:0 — 4 Diaxabi, 2:0 — 51 Cherishev, 3:0 — 86 Rodrigo.27-yanvar, yakshanba
“Valyadolid”—“Selta” 16:00
“Jirona”—“Barselona” 20:15
“Real Sosyedad”—“Ueska” 22:30
“Atletik Bilbao”—“Betis” 22:30
“Espanyol”—“Real Madrid” 00:45
28-yanvar, dushanba“Alaves”—“Rayo Valyekano” 01:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)