Хитойда ДНКси ўзгартирилган болалар туғилгани ҳақидаги маълумотлар расман тасдиқланди: тажрибаларни генетик олим Хе Цзянькуй ўтказган. Бу ҳақда South China Morning Post нашрига таяниб, «Корреспондент.net» хабар бермоқда.
Ҳуқуқ-тартибот идоралари унинг ишларини ўрганишда давом этмоқда. Олим Хитой қонунчилигини бузиб, чиндан ҳам генетик жиҳатдан модификация қилинган болалар дунёга келишига сабаб бўлган.
Терговчиларга кўра, Хе Цзянькуй томонидан ташкилланган ва хорижликлар ҳам бўлган гуруҳ инсон эмбрионлари генларига ўзгартириш киритиш технологиясидан фойдаланган. Улар буни ошкор этмаслик учун атайин текширувлардан яширинган.
Тажрибалар натижасида бир аёл Лулу ва Нана деб ном берилган эгизакларни туққан, бошқа аёл эса ДНКси ўзгартирилган ҳомила билан юрибди.
Изоҳ (0)