Германия ҳукумати 2018 йилнинг январь ойидан ноябрь ойига қадар мамлакатдан ҳар доимгидан кўпроқ бошпана изловчиларни чиқариб юборди. Бу ҳақда Süddeutsche Zeitung газетаси хабар берди.
Бу вақт ичида Германия Европа Иттифоқининг бошқа мамлакатларига 8658 нафар муҳожирни жўнатган. 2017 йилнинг худди шу даври мобайнида 7102 нафар муҳожир бошқа мамлакатларга жўнатилган эди.
Қайтариб юборилган муҳожирлар билан уларни аввалроқ ўз ҳудуди орқали Европа Иттифоқи ҳудудига ўтказиб юборган давлатлар шуғулланади. Газетанинг қайд этишича, ўтган йилда бошпана сўраганларнинг ҳар учтасидан биттаси ижобий жавоб олган.
Германия 2018 йилда Иттифоқ мамлакатларига муҳожирларни қабул қилишни сўраб, жами 51 558 та сўров жўнатган. Мамлакат ҳукумати 68,6 фоиз ҳолатда ижобий жавоб олган. Бу 2017 йилга нисбатан 9,4 фоизга кўп ҳисобланади. Венгрия бир йил ичида Германиядан бирорта ҳам муҳожирни қабул қилмаган. Грецияга эса жами беш нафар муҳожир қайтган. Италия Германия томонидан жўнатилган ҳар учинчи муҳожирни қабул қилган.
Изоҳ (0)